AIARALDEA EKINTZEN FAKTORIA
Aiaraldea Ekintzen Faktoria Aiaraldea Kooperatiba Elkartearen espazio bizigarria da. Laudioko industrialdean kokatuta dagoen irabazi asmorik gabeko gizarte ekimeneko kooperatiba.
Honen helburua euskararen komunitate eraldatzailea ahalduntzea, hazteko eta garatzeko baliabideak eskaintzea eta sortzea da.
750 metro koadro, bizitzeko eta amesteko
Aiaraldea Ekintzen Faktoria proiektu berrituaren garapenerako baliabidea da. Faktoriaren komunitate proiektuak eskualde osoan garatzeko tresna integrala bihurtzea du helburu, ildo eta zerbitzu berrien aterpe eta epizentro izateko: haur eta familientzako espazioak, ekonomatua, kulturarako oholtza, lantokiak.
KOMUNIKABIDEAREN EGOITZA PUBLIKOA
Aiaraldean gertatzen diren gertakizunen berri izan nahi baduzu:
Aiaraldea Komunikabide Faktoria
KULTUR SORKUNTZARAKO PLAZA
Aiaraldeko kultur ekosisteman gertatzen denaren berri izan nahi baduzu:
Kultur Faktoria
GARAPENA ETA SORMENA
Haur, nerabe, gazte... sormena eta garapena lantzeko bide berri bat:
Kokoriko Hezkuntza Faktoria
INTEGRALA ETA EUSKARAZ
Egungo gizartean agertzen diren behar, esparru eta moldeak arakatzen dituen:
Komunika Komunikazio Agentzia Integrala
Bazkide erabiltzaileek eta langileek kudeatzen duten eskualdeko entitate soziala da Aiaraldea Kooperatiba Elkartea. Bazkideak dira Kooperatibaren eta honek kudeatzen dituen proiektuen gaineko erabakiak hartzen dituztenak; bazkide bat, boto bat printzipioa jarraituta.
Proiektua ere, bazkide hauen ekarpen ekonomikoari esker finantzatzen da, oinarri sozial horrek ematen baitio aurrera egiteko arnasa. Baina Kooperatibako bazkide izateak, betebeharrez gainera, onura sozial eta material asko ere ematen dizkigu: euskaraz eta balio eraldatzaileen arabera bizitzeko tresnak eta onurak.
Erronka handiak ditugu eskuartean, marraztu ditugun ametsen tamainakoak, eta bide hori egiten jarraitzeko ZU ere behar zaitugu. ZURE BAZKIDETZA BEHAR DUGU proiektu guzti hauek herritarrenak eta herritarrentzat izan daitezen, euskararen komunitatea Aiaraldean ahaldundu, hazi eta garatu dadin.
